იუმორისტი, ონისე ცხადაძე დააკავეს
იუმორისტი ონისე ცხადაძე დააკავეს. ინფორმაციას ამის შესახებ მისი ძმა, სანდრო ცხადაძე ავრცელებს.
დაკავების დეტალები და მიზეზები უცნობია. როგორც მისი ძმა წერს, ონისე თერკოლაში, სახლში დააკავეს.
დღეს ასევე ცნობილი გახდა, რომ დაკავებულია მსახიობი ანდრო ჭიჭინაძე და ტელეწამყვანი შოთა დიმიტრიშვილი. ვრცელდება ინფორმაცია, რომ აქციაში მონაწილე სხვა ადამიანებსაც აკავებენ.
