ახალსაც კი არ იგონებენ, ახლად დაქორწინებული წყვილის მისვლა, ნაძვის ხის დეკორირება, საპროტესტო პლაკატები და ა.შ. ერთი - ერთში მიჰყვებიან მაიდნის სცენარს - შალვა პაპუაშვილი
წინასწარ იყო ცნობილი რაც მოხდებოდა. მათ შორის თქვენ ნახეთ სცენარი, რომელიც მაკკეინის ინსტიტუტის მიერ იქნა შედგენილი. პირდაპირ იმ სცენარსაც მიჰყვებიან, რომ არჩევნებში „ქართული ოცნების“ გამარჯვების შემთხვევაში იქნება პროტესტები და პროტესტს უნდა დავუჭიროთ მხარი, - განაცხადა პარლამენტის თავმჯდომარე შალვა პაპუაშვილმა.
მისი თქმით, რადიკალები მიჰყვებიან მაიდნის სცენარს და ამას არც მალავენ.
"მაიდნის სცენარს რაც შეეხება, ვიზუალურადაც კი ახორციელებენ მაგ სცენარს. ჩვენ ვნახეთ, რომ ნაძვის ხესაც კი დეკორირება გაუკეთეს, ისე როგორც ეს მაიდანზე გააკეთეს. ამასაც კი არ მალავენ და ახალსაც კი არ იგონებენ. ახლად დაქორწინებული წყვილის მისვლა, ნაძვის ხის დეკორირება, საპროტესტო პლაკატები და ა.შ. ერთი - ერთში მიჰყვებიან მაიდნის სცენარს“, - განაცხადა შალვა პაპუაშვილმა.
