ნიკა კაციას წინასწარი პატიმრობა შეუფარდეს
ჟურნალისტ ნიკა კაციას აღკვეთი ღონისძიების სახით წინასწარი პატიმრობა შეუფარდეს - გადაწყვეტილება თბილისის საქალაქო სასამართლოში მოსამართლე თამარ მჭედლიშვილმა გამოაცხადა.
ცნობისთვის, ჟურნალისტი ნიკა კაცია 7 დეკემბერს დააკავეს. ადვოკატის ინფორმაციით, მას სახლთან დახვდნენ, მანქანაში გადაისვეს და სხვა ტერიტორიაზე წაიყვანეს და პირადი ჩხრეკა ქუჩაში ჩაუტარდა. ადვოკატის თქმითვე, კაციამ მას განუმარტა, რომ პოლიციელებმა ვიდეოც გადაუღეს, თუმცა, ჩხრეკის შედეგად არაფერი ამოუღიათ.
