მარჯანიშვილის თეატრი სამძიმრის წერილს ავრცელებს

86 წლის ასაკში გარდაიცვალა მარჯანიშვილის თეატრის მსახიობი, საქართველოს დამსახურებული არტისტი იოსებ გოგიჩაიშვილი.

"გარდაიცვალა მარჯანიშვილის თეატრის მსახიობი, საქართველოს დამსახურებული არტისტი იოსებ გოგიჩაიშვილი.

იოსებ გოგიჩაიშვილმა 1960 წელს დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი.

1960 წლიდან დღემდე , ნახევარ საუკუნეზე მეტი, ბატონი სოსო ემსახურებოდა ქართულ ხელოვნებას. თეატრსა და კინოში  50 ზე მეტი დასამახსოვრებელი სახე აქვს განსახიერებული.

მარჯანიშვილის თეატრი მწუხარებას გამოთქვამს ბატონი სოსოს გარდაცვალების გამო და სამძიმარს უცხადებს მის ოჯახს. 

იოსებ გოგიჩაიშვილის პანაშვიდი გაიმართება 11 დეკემბერს.

დაკრძალვა 12 დეკემბერს, ხუთშაბათს 2 საათზე.

მისამართი: ვაჟა-ფშაველას გამზირი, პირველი შესახვევი, კორპუსი 3", - წერია ინფორმაციაში.