პროტესტის მე-14 დღე - პარლამენტთან საავტომობილო გზა გადაიკეტა
პროტესტის მე-14 დღე საქართველოში - საქართველოს პარლამენტთან ისევ იკრიბებიან მოქალაქეები, რომლებიც ხელახალ არჩევნებს, მოძალადეების დასჯასა და პატიმრობაში მყოფი დემონსტრანტების გათავისუფლებას ითხოვენ.
დედაქალაქის მთავარი გამზირი რამდენიმე წუთის წინ გადაიკეტა. ადგილზე მობილიზებულნი არიან სამართალდამცველები.
საპროტესტო აქციები 2024 წლის 28 ნოემბერს, მას შემდეგ დაიწყო, რაც მთავრობამ განაცხადა, რომ ქვეყანა 2028 წლამდე აჩერებს ევროკავშირში გაწევრიანების პროცესს.
