იმერეთში სტიქიას ებრძვიან - რა ხდება ამჟამად ადგილზე?
იმერეთში მოსულმა უხვმა ნალექმა რეგიონში პრობლემები შექმნა. ტყიბულში, ხარაგაულში, საჩხერესა და ჭიათურაში თოვლის საფარმა 60 სანტიმეტრს მიაღწია, მაღალმთიან სოფლებში კი 1 მეტრს.
ასევე, წვიმის სახით მოსულმა უხვმა ნალექმა ქუთაისში, გალაკტიონ ტაბიძის ქუჩაზე ჩამოშალა მიწის მასა.
უხვი ნალექის შედეგად რეგიონში დაიტბორა საკარმიდამო ეზოები, სახნავ-სათესი სავარგულები და სახლების სარდაფები. ინტენსიური წვიმის შედეგად სანიაღვრე არხები ვერ ასწრებდა წყლის ნაკადის გატარებას, რამაც საავტომობილო გზებზე შექმნა შეფერხებები.
იმერეთის მოსახლეობას ელექტროენერგია შეფერხებით მიეწოდება.
