ბილ კლინტონი საავადმყოფოდან გაწერეს
აშშ-ის ყოფილი პრეზიდენტი, ბილ კლინტონი, რომელიც რამდენიმე დღის წინ საავადმყოფოში მოათავსეს, მკურნალობის შემდეგ სამედიცინო დაწესებულებიდან გაწერეს. ინფორმაციას CNN-ი კლინტონის ოფისზე დაყრდნობით ავრცელებს.
„დღეს პრეზიდენტი კლინტონი გრიპზე მკურნალობის შედეგ გაწერეს. ის და მისი ოჯახი მადლობას უხდის MedStar Georgetown University Hospital-ის გუნდს განსაკუთრებული ყურადღებისთვის და უხარია თბილი შეტყობინებებისა და საუკეთესოს სურვილების მიღება. ის ყველას თბილ მოკითხვას უგზავნის და არდადეგებზე ჯანმრთელობას უსურვებს“, - ციტირებს ტელეარხი კლინტონის ოფისს.
78 წლის კლინტონი ვაშინგტონის საავადმყოფოში ციებ-ცხელების გამო იყო მოთავსებული.
