70-ზე მეტი რაკეტა და 100-ზე მეტი დრონი, პუტინმა თავდასხმისთვის შობა განზრახ აირჩია, რა შეიძლება იყოს ამაზე უფრო არაჰუმანური? - ზელენსკი
უკრაინის პრეზიდენტის, ვოლოდიმირ ზელენსკის განცხადებით, შობის დღესასწაულზე რუსი ოკუპანტების მორიგი სამიზნე უკრაინის ენერგეტიკული ინფრასტრუქტურა გახდა.
ზელენსკის თქმით, ოკუპანტებმა შობის დღეს უკრაინის ენერგეტიკულ სექტორზე მასიური თავდასხმის დროს 70-ზე მეტი რაკეტა და ასზე მეტი დრონი გამოიყენეს.
ზელენსკის ინფორმაციით, უკრაინულმა ძალებმა 50-ზე მეტი რაკეტის და უპილოტო საფრენი აპარატების მნიშვნელოვანი ნაწილის ჩამოგდება შეძლეს.
"პუტინმა თავდასხმისთვის შობა განზრახ აირჩია, რა შეიძლება იყოს ამაზე უფრო არაჰუმანური? 70-ზე მეტი რაკეტა, მათ შორის ბალისტიკური რაკეტები და ასზე მეტი დრონი გამოიყენეს. წინასწარი მონაცემებით, ჩვენმა დამცველებმა მოახერხეს 50-ზე მეტი რაკეტის და დრონების მნიშვნელოვანი ნაწილის ჩამოგდება. რუსული ბოროტება უკრაინას ვერ გატეხს და შობას ვერ ჩაშლის“, - აცხადებს ვოლოდიმირ ზელენსკი.
