ჯანდაცვის მსოფლიო ორგანიზაციის ხელმძღვანელი "სიკვდილს სასწაულებრივად გადაურჩა" - BBC

ჯანდაცვის მსოფლიო ორგანიზაციის ხელმძღვანელის განცხადებით, ის და მისი კოლეგები იემენიუს აეროპორტზე ისრაელის საჰაერო თავდასხმას "სასწაულებრივად გადაურჩნენ". ინფორმაციას BBC ავრცელებს.

ტედროს ადჰანომ გებრეიესუსმა BBC Radio 4-ის ეთერში განაცხადა, რომ თავდასხმის დროს თავს სრულიად დაუცველად გრძნობდა. მისი განმარტებით, თავდასხმას, სულ მცირე, 6 ადამიანი ემსხვერპლა.

მისი თქმით, ის და გაეროს სხვა თანამშრომლები, დასავლეთ იემენში, სანას ტოვებენ, რა დროსაც აეროპორტზე საჰაერო თავდასხმა მოხდა. გებრეიესუსის თქმით, იემენში დაკავებულების გათავისუფლებისა და ჰუმანიტარული კრიზისის დონის შესაფასებლად იყვნენ ჩასულები და, მოლაპარაკებების დასრულების შემდეგ, ტერიტორიას ტოვებდნენ.

ისრაელის სამხედროებმა განაცხადეს, რომ, სადაზვერვო ინფორმაციაზე დაყრდნობით, საჰაერო დარტყმები ირანის მიერ მხარდაჭერილ მეამბოხეების სამხედრო ობიექტებზე მიიტანეს.

რუსთავი 2