რუსთაველის გამზირი გადაიკეტა - საპროტესტო აქციაზე ხალხი იკრიბება
პროტესტის 32-ე დღესაც რუსთაველის გამზირი გადაკეტილია. დღეს, რუსთაველის გამზირზე შეკრებილებს BTU-ს სტუდენტები, კურსდამთავრებულები და ლექტორები ვაკის პარკიდან აქცია-მსვლელობით შეუერთდნენ.
მომიტინგეები პარლამენტთან მსვლელობით მივიდნენ.
დღის დასაწყისში აქციის მონაწილეები ორბელიანების სასახლესთან შეიკრიბნენ, სადაც საქართველოს მეხუთე პრეზიდენტის, სალომე ზურაბიშვილის სიტყვით მიმართვას მოუსმინეს.
დღეს ქაშვეთის ტაძრის მიმდებარედ პოლიციამ აქციის რამდენიმე მონაწილე დააკავა. შსს-ს ინფორმაციით, აქციის დაკავებული ექვსივე მონაწილე, მოგვიანებით, ხელწერილის საფუძველზე გაათავისუფლეს.
