ზვიგენი ეგვიპტეში, ტურისტებს თავს დაესხა - ვრცელდება უმძიმესი შემთხვევის ამსახველი კადრები, არის მსხვერპლი
ეგვიპტეში, წითელი ზღვის სანაპიროზე, ზვიგენის თავდასხმას ერთი ტურისტი ემსხვერპლა. როგორც BBC წერს, დაშავებულია კიდევ ერთი ადამიანი - ასევე ტურისტი.
შემთხვევა ქალაქ მარსა ალამში მოხდა, რომელიც მყვინთავებში ძალიან პოპულარული ტურისტული ადგილია.
ეგვიპტის გარემოს დაცვის სამინისტროს ინფორმაციით, ზვიგენი ადამიანებს თავს "ღრმა წყლებში, მონიშნული საცურაო ზონის მიღმა ტერიტორიაზე დაესხა".
ოფიციალური მონაცემებით, ბოლო 10 წლის განმავლობაში, წითელ ზღვაში, ზვიგენების თავდასხმის შედეგად, 4 ადამიანია დაღუპული. ბოლო შემთხვევა 2023 წლის ივნისში მოხდა. ზვიგენის თავდასხმას 24 წლის რუსი მამაკაცი ემსხვერპლა.
