დონალდ ტრამპმა წარმომადგენელთა პალატის სპიკერის თანამდებობაზე მოქმედ სპიკერს, მაიკ ჯონსონს სრული მხარდაჭერა გამოუცხადა
აშშ-ის არჩეულმა პრეზიდენტმა, დონალდ ტრამპმა, აშშ-ის წარმომადგენელთა პალატის ახალი სპიკერის არჩევის კენჭისყრამდე რამდენიმე დღით ადრე, მოქმედ სპიკერს, მაიკ ჯონსონს სრული მხარდაჭერა გამოუცხადა.
„სპიკერი მაიკ ჯონსონი კარგი, შრომისმოყვარე, რელიგიური ადამიანია. ის გააკეთებს სწორ საქმეებს და ჩვენ გავაგრძელებთ გამარჯვებას. მე სრულად და უპირობოდ მხარს ვუჭერ მაიკს“, – წერს ტრამპი თავის სოციალურ ქსელში.
როგორც გამოცემა The Hill წერს, დაუპირისპირდება თუ არა ვინმე ჯონსონს 3 იანვარს დაგეგმილ კენჭისყრაზე, დიდწილად დამოკიდებულია არჩეულ პრეზიდენტზე, ამიტომ როგორც გამოცემა აღნიშნავს, ტრამპის საჯარო მხარდაჭერა შეიძლება, იყოს ჯონსონის გამარჯვების გასაღები.
