აშშ-ში, ძლიერი ქარიშხლების შედეგად სულ მცირე ოთხი ადამიანი დაიღუპა
აშშ-ში, შაბათ-კვირას მომხდარი ძლიერი ქარიშხლების შედეგად სულ მცირე ოთხი ადამიანი დაიღუპა. მრავლობითმა ტორნადოებმა და ქარბორბალებმა 6 შტატი მოიცვა. ინფორმაციას abcnews-ი ავრცელებს.
შაბათიდან კვირა დღის შუადღემდე, 38 ქარბორბალა დაფიქსირდა არკანზასში, ჯორჯიაში, ლუიზიანაში, მისისიპში, ჩრდილოეთ კაროლინასა და ტეხასში.
მისისიპის შტატში გარდაცვლილია 2 ადამიანი, ამის შესახებ შტატის გუბერნატორმა განაცხადა. ამასთან, მისი განმარტებით სტიქიის შედეგად 10-მდე ადამიანი დაშავდა.
1 ადამიანი დაიღუპა ტეხასის შტატში და კიდევ ერთი სამხრეთ კაროლინაში. არიან დაშავებულებიც.
მედიის ცნობით, ათიათასობით აბონენტი ელექტროენერგიის გარეშე რჩება. ამ ეტაპისთვის, ქარიშხლების შედეგად მიყენებული ზარალის დათვლა მიმდინარეობს.
