შედგა არაჩვეულებრივი კონცერტი. ძალიან მიხარია, რომ ქართველმა ხალხმა არ დაკარგა ახალი წლის ჟრიამული, ბედნიერება და სიხარული - ნუცა ბუზალაძე
თბილისში საახალწლო ღონისძიებები გრძელდება. საახალწლო სოფელია მოწყობილი ორბელიანების მოედანსა და დედაენის ბაღში.
იმართება ხელნაკეთი ნივთების გამოფენა-გაყიდვა, კონცერტები და კინოჩვენებები. პატარების საახალწლო განწყობაზე ანიმაციური პერსონაჟები ზრუნავენ. ახალი წლის დღეები 14 იანვრამდე გაგრძელდება.
"შედგა არაჩვეულებრივი კონცერტი. ძალიან მიხარია, რომ ქართველმა ხალხმა არ დაკარგა ახალი წლის ჟრიამული, ბედნიერება და სიხარული, რაც განსაკუთრებით უხდება ხოლმე ახალ წელს. მიხარია, რომ ყველა ძალიან კარგად გაერთო“, - განაცხადა მომღერალმა ნუცა ბუზალაძემ.
