რუსთაველის გამზირი გადაიკეტა - პარლამენტის წინ საპროტესტო აქცია დაიწყო
სახალხო პროტესტის 37-ე დღეს რუსთაველის გამზირი გადაკეტილია. დემონსტრანტებმა აქცია საქართველოს ჰიმნის შესრულებით დაიწყეს.
მოქალაქეები „ქართული ოცნების“ 28 ნოემბრის გადაწყვეტილებას აპროტესტებენ, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.
მათი მოთხოვნა უცვლელია - დაინიშნოს ხელახალი არჩევნები და გათავისუფლდნენ პროტესტის დროს დაკავებული მოქალაქეები.
