სომხეთში პიროტექნიკის საწყობში ხანძრის შედეგად სამი ადამიანი დაშავდა
სომხეთში, ბაგრატაშენის საკონტროლო გამშვებ პუნქტთან, პიროტექნიკის საწყობში ხანძარი გაჩნდა. ხანძრის შედეგად სამი ადამიანი დაშავდა. ისინი ახლოს მდებარე საავადმყოფოებში გადაიყვანეს.
შემთხვევის ადგილზე შსს-ს რეგიონული სამაშველო დეპარტამენტის ოპერატიული ჯგუფი, სახანძრო-სამაშველო ჯგუფის ხუთი ეკიპაჟი, წყალმზიდი და საპატრულო დანაყოფები იყვნენ მობილიზებული.
ამ დროისთვის ხანძარი ლოკალიზებულია.
