„არც სიგარეტი წაუღია, არც სალაროს მიჰკარებია, მომგებიანი გადასაფხეკი ბილეთები წაიღო“ - ქუთაისში სუპერმარკეტი გაქურდეს
ქუთაისში, კონსტანტინე გამსახურდიას ქუჩაზე, მაღაზიათა ქსელ "მაგნიტის" ფილიალი გაქურდეს. ინფორმაციას ,,მთავარი არხი" ავრცელებს.
მატივე ცნობით, უცნობმა პირმა მაღაზიიდან მომგებიანი გადასაფხეკი ბილეთები წაიღო. მან მაღაზიაში მინის ჩამსხვრევის შედეგად შეაღწია. "ქურდობა ოცნებების ასრულების მიზნით, არც სიგარეტი წაუღია, არც სალაროს მიჰკარებია, მომგებიანი გადასაფხეკი ბილეთები წაიღო," - განაცხადეს შემთხვევის ადგილზე.
