შეიძლება ადამიანი სრიალის დროს მიღებული ტრავმით გარდაიცვალოს, ტრავმატოლოგიც კი არ ჰყავთ ამხელა გუდაურში - თორნიკე აბულაძე

რომელ ნორმალურ ან განვითარებად ქვეყანაში შეიძლება ასეთი მდგომარეობა არსებობდეს? - სოციალური ქსელის მომხმარებელი თორნიკე აბულაძე სოციალურ ქსელში გუდაურში არსებულ მდგომარეობაზე წერს:

სოციალურ კეთილდღეობაზე და ადამიანის ბაზისურ საჭიროებსაც კი ვერ აკმაყოფილებს ჩვენი ქვეყნის ჯანდაცვის სისტემა. 

⛷️კურორტი გუდაური, რომელიც ცნობილია მსოფლიოში ერთ-ერთ წამყვან სათხილამურო სივრცედ, სამედიცინო მომსახურება აქვთ 0, მოგიყვებით ჩემს გამოცდილებას. 

➡️სრიალისას დავიზიანე და გამიტყდა მარცხენა ლავიწის ძვალი, სასწრაფოსთან რომ მიმიყვანეს გადამამისამართეს ამბულატორიაში, თუმცა არც კი შეუხედავთ და უნახავთ რა მჭირდა. ამბულატორიაში მიმავალ გზაზე დავრეკეთ 112-ში, იქედან გადამამისამართეს რაღაც ცხელ ხაზზე, ამ ყველაფერში გაიწელა დრო, დაახლოებით 25 წუთი. მივხვდი რომ აზრი არ ჰქონდა და უნდა წავსულიყავი თბილისში, თუმცა ვიფიქრე ვცდიდი ამბულატორიაში ვიზიტს,  ფიქსაციას და გამაყუჩებელს მაინც გამიკეთებენ თქო. 

❗️თუმცა რაც იქ ჩემმა თვალებმა ნახა იყო შემდეგი, ხელ-ფეხ დამტვრეული ხალხი იჯდა, ზოგიერთი კიდეც იწვა და ელოდებოდა რაღაცას, მაგრამ რას არ ვიცი, ტრავმატოლოგიც კი არ ჰყავდათ ამხელა გუდაურში. ფიქსაციაც კი არ გამიკეთეს 3 საათიან გზაზე ისე გამომიშვეს და ფეხზე დამდგარს გამიკეთეს გამაყუჩებელი! 

❤️ჩემი მეგობრის დახმარებით ჩამოვედი თბილისში და დღეს დილით გამიკეთდა ოპერაცია. 

🗣️კარგად ვარ, ორშაბათს გამწერენ. 

❓❗️რომელ ნორმალურ ან განვითარებად ქვეყანაში შეიძლება ასეთი მდგომარეობა არსებობდეს?! შეიძლება ადამიანი სრიალის დროს მიღებული ტრავმით გარდაიცვალოს, ელემენტარული ტრავმატოლოგიც კი არ ჰყავთ ამხელა გუდაურში. 

სამარცხვინოები ხართ! - წერს თორნიკე აბულაძე.