შოუბიზნესის ცნობილი ვარსკვლავების სახლები ხანძარმა გაანადგურა - რა ხდება ლოს-ანჯელესში?
აშშ-ში ხანძარი მძვინვარებს. ის კატასტროფული სისწრაფით ვრცელდება. ხანძარმა უკვე ლოს-ანჯელესი, ვენტურას ოლქი და „ჰოლივუდ ჰილზიც“ მოიცვა. ევაკუირებულია 100 000-ზე მეტი ადამიანი. 37 000 ადამიანი კი იძულებული გახდა, სახლი დაეტოვებინა. ახლახან ცნობილი გახდა, რომ გადამწვარია უამრავი ვარსკვლავის საცხოვრებელი კომპლექსიც.
ლოს-ანჯელესში ხანძრის შედეგად სულ მცირე ხუთი ადამიანი დაიღუპა, სავალდებულო ევაკუაცია 100 000-ზე მეტი ადამიანისთვის გამოცხადდა
ტაბლოიდების ცნობით, სახლები ისეთ ვარსკვლავებს დაეწვათ, როგორებიც არიან: პერის ჰილტონი, ენტონი ჰოპკინსი, ბილი კრისტალი, ჯენიფერ გარნერი, ლეიტონ მისტერი, ჯეიმს ვუდსი და ა.შ…
აღსანიშნავია, რომ იმ ადგილებში, სადაც ამჯერად ცეცხლია გავრცელებული სახლები აქვთ, რიზ უიზერსპუნს, ბრედლი კუპერს, ტომ ჰენკსს, რიზ უიზერსპუნს, ჯენიფერ ენისტონს, ადამ სენდლერს, მაიკლ კიტონს და სხვა ვარსკვლავებს…
თავიანთ სოციალურ ქსელებში უკვე არაერთი ვარსკვლავი გამოეხმაურა აღნიშნულ ინფორმაციას.
„ჩემი გული გატეხილია, არავის ვუსურვებ პირდაპირ ეთერში ნახოს, როგორ იქცევა შენი სახლი ფერფლად“, – პერის ჰილტონი
„გუშინ საღამოს თავშესაფარი მეგობრებმა მოგვცეს. ვცდილობ, ბავშვები დავიცვა იმ დიდი მწუხარებისა და შფოთისგან, რასაც ვგრძნობ“, – მენდი მური.
„ჩვენ კი ახლა უკვე უსაფრთხოდ ვართ, მაგრამ ვიცი რომ სხვებს ყველაფერი წესრიგში არ აქვთ. ღმერთმა დალოცოს მეხანძრეები და ყველა მაშველი“, – კრისტი ტაიგენი.
