ამ ეტაპზე უკრაინის მხარდაჭერის შეწყვეტა სიგიჟე იქნება - ზელენსკი
უკრაინის პრეზიდენტმა, ვოლოდიმირ ზელენსკიმ მოკავშირეებსა და პარტნიორებს „რამშტაინის" ფორმატის შეხვედრაზე განუცხადა, რომ ამ ეტაპზე უკრაინის მხარდაჭერის შეწყვეტა სიგიჟე იქნება. ინფორმაციას ამის შესახებ „ამერიკის ხმა" ავრცელებს.
„ჩვენ კიდევ უფრო მეტად უნდა ვითანამშრომლოთ, კიდევ უფრო მეტად დავეყრდნოთ ერთმანეთს და ერთად მივაღწიოთ კიდევ უფრო დიდ შედეგებს. რაც არ უნდა მოხდეს მსოფლიოში, ყველას სურს დარწმუნებული იყოს, რომ მათი ქვეყანა უბრალოდ არ წაიშლება რუკიდან", - აღნიშნა ვოლოდიმირ ზელენსკიმ.
