TikTok, შესაძლოა, ილონ მასკმა იყიდოს
ჩინელი მაღალჩინოსნები TikTok-ის ამერიკული ქვედანაყოფის ილონ მასკისთვის მიყიდვის შესაძლებლობას განიხილავენ. ამის შესახებ სააგენტო Bloomberg იუწყება.
ამ ინფორმაციის მიხედვით, ჩინეთს ურჩევნია, რომ TikTok კომპანია ByteDance-ის მფლობელობაში დარჩეს, მაგრამ აშშ-ის უზენაესი სასამართლო, სავარაუდოდ, დაამტკიცებს კანონს, რომელიც ByteDance-ის TikTok-ის გაყიდვას ან 19 იანვრიდან აშშ-ში მისი მუშაობის შეჩერებას დაავალდებულებს. თუ ჩინეთი ამ საქმეს სასამართლოში წააგებს, ერთ-ერთ ვარიანტად ამ სოციალური ქსელზე კონტროლის X-სთვის გადაცემა განიხილება. X-ის მფლობელი ამერიკელი მილიარდერი და მსოფლიოს უმდიდრესი ადამიანი ილონ მასკია.
