31 მარტი საქართველოს დამოუკიდებლობის აღდგენისა და ზვიად გამსახურდიას დაბადების დღეა

საქართველოს დამოუკიდებლობის აღდგენის დღე და პირველი პრეზიდენტის, ქვეყნის ეროვნული გმირის ზვიად გამსახურდიას დაბადების ზუგდიდში აღინიშნა. ისტორიულ დღესთან დაკავშირებით მოირთო ქალაქის ქუჩები, განთავსდა რეფერენდუმის დღის ამსახველი ბილბორდები.

შეგახსენებთ, რომ დღეს 31 მარტი საქართველოს ისტორიაში უმნიშვნელოვანესი დღეა. 1991 წლის 31 მარტს, საქართველოს ეროვნულმა ხელისუფლებამ, უზენაესი საბჭოს თავმჯდომარის, ზვიად გამსახურდიას ხელმძღვანელობით, სახელმწიფოებრივი დამოუკიდებლობის საკითხზე რეფერენდუმი ჩაატარა. რეფერენდუმის შედეგებზე დაყრდნობით, უზენაესმა საბჭომ მიიღო დამოუკიდებლობის აქტი, რითაც დასრულდა საქართველოს 70-წლიანი საბჭოთა ოკუპაცია. კონსტიტუციით დაცული საქართველოს სახელმწიფო სუვერენიტეტი სწორედ 31 მარტის რეფერენდუმს ეფუძნება.

რეფერენდუმში მონაწილეთა რაოდენობა შეადგენდა 3.302.302-ს (90.3%). მასში მონაწილეობდა სამხრეთ ოსეთის ყოფილი ოლქისა და აფხაზეთის ავტონომიური რესპუბლიკის მოსახლეობაც.

რეფერენდუმის შეკითხვას – “ხართ თუ არა თანახმა, რომ აღდგეს საქართველოს სახელმწიფოებრივი დამოუკიდებლობა 1918 წლის 26 მაისის აქტის საფუძველზე?” – საქართველოს საარჩევნო ხმის უფლების მქონე მოსახლეობის (მათ შორის აფხაზებმა და ოსებმა) 98%-მა პროცენტმა დადებითი პასუხი გასცა.

რეფერენდუმში მონაწილეთა 98,9 პროცენტმა მხარი დაუჭირა საქართველოს დამოუკიდებლობის აღდგენას, რაც იქნა აღიარებული მთელი მსოფლიოს მიერ ჩვენი ქვეყნის მოსახლეობის ნების გამოვლინებად.

ამის შემდეგ, 1991 წლის 9 აპრილს, რეფერენდუმის შედეგების საფუძველზე, საქართველოს რესპუბლიკის უზენაესმა საბჭომ საქართველოს სახელმწიფოებრივი დამოუკიდებლობის აღდგენა გამოაცხადა.