ყველაზე ძლიერი პასპორტების ჩამონათვალში ახალი ქვეყანა ლიდერობს - Nomad Passport Index 2025
Nomad Passport Index 2025-ის თანახმად, მსოფლიოში ყველაზე ძლიერი პასპორტი ირლანდიას აქვს. ეს პირველი შემთხვევაა, როდესაც საგადასახადო და საემიგრაციო საკონსულტაციო კომპანია Nomad Capitalist-ის რეიტინგში ეს ჩრიდლოევროპული ქვეყანა ლიდერ პოზიციაზე მოხვდა. მანამდე, 2020 წლის რეიტინგში ირლანდია პირველ ადგილს ლუქსემბურგთან და შვედეთთან ერთად იყოფდა.
როგორც Nomad Capitalist-ის წარმომადგენელმა CNBC-სთან აღნიშნა, ირლანდია პირველ ადგილზე ძლიერი საერთაშორისო რეპუტაციით, ბიზნესისთვის მეგობრული საგადასახადო პოლიტიკით და ზოგადი მოქნილობით მოხვდა.
სხვა კომპანიებისგან განსხვავებით, რომლებიც საუკეთესო პასპორტების რეიტინგებს მხოლოდ უვიზო მიმოსვლის პრაქტიკებით განსაზღვრავენ, Nomad Capitalist-ს ამისთვის ხუთი კრიტერიუმი აქვს:
უვიზო მიმოსვლა - 50%
საგადასახადო პოლიტიკა - 20%
გლობალური აღქმა - 10%
ორმაგი მოქალაქეობის მიღების შესაძლებლობა - 10%
პერსონალური თავისუფლება (პრესის თავისუფლება, სავალდებულო სამხედრო სამსახური...) - 10%
ამ ხუთი კრიტერიუმი მიხედვით 10 უძლიერესი პასპორტის რეიტინგი 2025 წელს ასე გამოიყურება:
- ირლანდია
- შვეიცარია
- საბერძნეთი
- პორტუგალია
- მალტა
- იტალია
- ლუქსემბურგი
- ფინეთი
- ნორვეგია
- არაბთა გაერთიანებული საამიროები
კომპანიამ რეიტინგში 199 ქვეყანა და ტერიტორია განიხილა, 20 სხვადასხვა წყაროზე დაყრდნობით, როგორებიცაა მსოფლიოს ბედნიერების ანგარიში, გაეროს ადამიანების განვითარების ინდექსი და სხვა.
