ქართული მართვის მოწმობების იტალიურში გაცვლა გამოცდის გარეშე იქნება შესაძლებელი - შსს
რომში ვიზიტის ფარგლებში, საგარეო საქმეთა მინისტრის მოადგილემ, გიორგი ზურაბაშვილმა და იტალიაში საქართველოს პოლიციის ატაშემ, ვლადიმერ ბორჩვაძემ შეხვედრა გამართეს იტალიის რესპუბლიკის ტრანსპორტისა და ინფრასტრუქტურის სამინისტროში, სადაც ძირითადი თემა მართვის მოწმობების ურთიერთაღიარების საკითხი იყო.
შინაგან საქმეთა სამინისტროს მიერ გავრცელებული ინფორმაციის თანახმად, მხარეებმა იმსჯელეს ქართული მართვის მოწმობების იტალიურ მართვის მოწმობებში გადაცვლის შესაძლებლობაზე, რაც იტალიაში მცხოვრებ საქართველოს მოქალაქეებსა და ქართველ ტურისტებს საშუალებას მისცემს, რომ დამატებითი გამოცდის გარეშე მიიღონ იტალიური მართვის მოწმობა.
„შეხვედრაზე განიხილეს შეთანხმების შინაარსობრივი მხარე და იმედი გამოთქვეს, რომ ოპერატიული პროცედურების დასრულების შემდეგ შესაძლებელი იქნება შეთანხმების ხელმოწერა. იტალიური მხარე გამოხატა სრული მზაობა თანამშრომლობისთვის“, – ნათქვამია შსს-ის მიერ გავრცელებულ განცხადებაში.
ამ ეტაპზე საქართველო მსგავს შეთანხმებებს უკვე აქვს გაფორმებული სხვა ქვეყნებთან, მათ შორის ესპანეთთან, საბერძნეთთან და ირლანდიასთან.
