ქართულ დიპლომებს ჩინეთში აღიარებენ - რა წერია დადგენილებაში

საქართველოსა და ჩინეთს შორის უმაღლესი განათლების დამადასტურებელი დიპლომებისა და სერტიფიკატების აღიარება მოხდება. ამის შესახებ მთავრობის დადგენილებაშია საუბარი.

აღნიშნული დოკუმენტი 9 ივნისის თარიღთ გამოქვეყნდა და იმავე დღიდან ითვლება ძალაში.

კერძოდ, დადგენილებაში ვკითხულობთ, რომ „საქართველოს განათლების, მეცნიერებისა და ახალგაზრდობის სამინისტროსა და ჩინეთის სახალხო რესპუბლიკის განათლების სამინისტროს შორის უმაღლესი განათლების ხარისხისა და დიპლომების/სერტიფიკატების ურთიერთაღიარების შესახებ“ შეთანხმება უკვე დამტკიცებულია.

დადგენილებაში ასევე აღნიშნულია, რომ საქართველოს საგარეო საქმეთა სამინისტრომ უნდა აცნობოს:

საქართველოს პრეზიდენტსა და საქართველოს პარლამენტს ამ დადგენილების პირველ მუხლში აღნიშნული შეთანხმების დადების შესახებ;

ასევე, შეატყობინოს ჩინეთის სახალხო რესპუბლიკის მხარეს ამ დადგენილების პირველ მუხლში აღნიშნული შეთანხმების ძალაში შესვლისათვის აუცილებელი შიდასახელმწიფოებრივი პროცედურების საქართველოს მხრიდან დასრულების თაობაზე.

შესაბამის დოკუმენტს ხელს ირაკლი კობახიძე აწერს.