უბნები თბილისში, სადაც ჰაერში მყარი ნაწილაკების მაღალი შემცველობა ფიქსირდება

11 ივლისიდან საქართველოს ტერიტორიაზე ატმოსფერულ ჰაერში ფიქსირდება მყარი ნაწილაკების (PM10, PM2.5) შემცველობის მატება - ამის შესახებ ინფორმაციას გარემოს ეროვნული სააგენტო ავრცელებს.

სააგენტოს ცნობით, დაბინძურება ძირითადად ტრანსსასაზღვრო დაბინძურებას უკავშირდება და სამხრეთ და სამხრეთ-აღმოსავლეთიდან უდაბნოს მტვრის მასების მცირედ გავრცელებით არის განპირობებული.

უწყების ინფორმაციით, ადგილები თბილისში, სადაც ამ მომენტისთვის ჰაერში მყარი ნაწილაკების მაღალი შემცველობა ფიქსირდება, არის:

• ვარკეთილი 3 - I მიკრორაიონი, მე-2 კორპუსის მიმდებარედ
• ვარკეთილი - ჯავახეთის 5
• მ. გელოვანის გამზ. 34
• დ. აღმაშენებლის გამზ. 73ა

რაც შეეხება ქუჩებს, სადაც ჰაერი დამაკმაყოფილებელია, არის:

• ც. დადიანის ქუჩა
• ა. წერეთლის გამზ.
• პეკინის გამზ.
• ალ. ყაზბეგის გამზ.
• ი. აბაშიძის ქუჩა
• პ. მელიქიშვილის გამზ.
• რიყის პარკი
• ქ.წამებულის გამზ.

ადგილები, სადაც ჰაერის დადებითი დინამიკა ფიქსირდება, არის:

• ლისის ტბა;
• ვაკის პარკი;
• კიკვიძის პარკი;
• კუს ტბა;
• კრწანისის ბაღი;
• აბანოთუბანი;
• გმირთა პარკი;
• დიღმის პარკი და ა.შ.

რაც შეეხება სხვა ქალაქებს, მყარი ნაწილაკების ყველაზე მაღალი შემცველობა რუსთავში ორ ქუჩაზე - მეგობრობის გამზირსა და ბათუმის ქუჩაზე ფიქსირდება.