საქართველოში ელექტროენერგიის იმპორტი 634%-ით გაიზარდა
2025 წლის იანვარ-ივლისში საქართველოში ელექტროენერგიის იმპორტი 634%-ით გაიზარდა. კერძოდ, სტატისტიკის ეროვნული სამსახურის ინფორმაციით, თუ 2024 წლის 7 თვეში ქვეყანამ მხოლოდ 3.558 მლნ დოლარის დენი იყიდა, წელს ამ მაჩვენებელმა 26.117 მლნ დოლარი შეადგინა.
აღსანიშნავია, რომ წელს ელექტროენერგიის მთავარი იმპორტიორი აზერბაიჯანი იყო, სადაც საქართველომ იანვარ-ივლისში 21.206 მლნ დოლარის ღირებულების დენი იყიდა.
მეორე ადგილზეა სომხეთი - 4.329 მლნ დოლარის ღირებულებით და მესამეზე რუსეთი, სადაც 581 ათასი დოლარის ელექტროენერგიის შესყიდვა განხორციელდა.
რაც შეეხება ექსპორტს, წელს გასული წლის ანალოგიურ პერიოდთან შედარებით შემცირებულია. თუ 2024 წლის იანვარ-ივლისში საქართველომ 45.821 მლნ დოლარის ღირებულების დენი გაყიდა, წელს ამ მაჩვენებელმა 22.489 მლნ დოლარი შეადგინა.
საქსტატის მონაცემებით, 2025 წლის იანვარ-ივლისში ქართული დენის ძირითადი შემსყიდველი თურქეთი იყო - 18.385 მლნ დოლარით. მეორე ადგილზეა აზერბაიჯანი 2.229 მლნ დოლარით, 1.733 მლნ დოლარის ელექტროენერგია გავიდა სომხეთში, რუსეთში კი მხოლოდ 141 ათასი დოლარის ელექტროენერგიის ექსპორტი განხორციელდა.
