ნორვეგია მსოფლიოში ყველაზე ღრმა და გრძელ წყალქვეშა საავტომობილო გვირაბს აშენებს - უპრეცედენტო პროექტი მალე რეალობად იქცევა
ნორვეგიაში მსოფლიოში ყველაზე გრძელი და ყველაზე ღრმა წყალქვეშა საავტომობილო გვირაბი შენდება. პროექტის მიზანს ძირითადი ქალაქებს შორის მგზავრობის დროის შემცირება და ქვეყნის დასავლეთის სანაპიროს გასწვრივ საბორნე გზის გარეშე მოძრავი მაგისტრალის შექმნა წარმოადგენს.
27-კილომეტრიანი “Rogfast“ - ის ("Rogaland fastforbindelse“-ის შემოკლებული ფორმა) - სახელწოდების მქონე გვირაბის ყველაზე ღრმა წერტილი ზღვის დონიდან - 392 მეტრზე მდებარეობს.
გვირაბი ორი დამოუკიდებელი ზოლისგან შედგება და ერთმანეთთან ბერგენსა და სტავენგერს - ნორვეგიის ორ უდიდეს ქალაქს დააკავშირებს.
მსგავსი სიგრძის წყალქვეშა გვირაბის მშენებლობას მრავალი ტექნოლოგიური სირთულე ახლავს თან. როგორც თანამედროვე გვირაბების უმეტესობა, “Rogfast“ ერთდროულად ორივე ბოლოდან შენდება, იმ გათვლებით რომ მშენებელთა ორი გუნდი შუაში მხოლოდ 5-სანტიმეტრიანი ცდომილებით შეხვდეს ერთმანეთს.
ასეთი სიზუსტე თანამედროვე ზუსტ გაზომვებს ლაზერულ და სხვა სპეციალური მოწყობილობების გამოყენებას მოითხოვს. “უკვე წარსულს ჩაბარდა ის რომანტიკული დრო , როდესაც გეოდეზისტი ოპტიკაში იყურება“ ამბობს ღიმილით ბურხარდ ბეკემი, იმ კომპანიის ტექნოლოგიურ დირექტორი რომელიც საჭირო გაზომვებს განხორციელება ევალება.
გვირაბის პროექტი სრულად შეესაბამება ეკოლოგიური და უსაფრთხოების თანამედროვე სტანდარტებს, ავტომობილების გამონაბოლქვისგან ადამიანების დასაცავად გამოყენებული იქნება ე.წ. გრძივი ვენტილაციის სისტემა, რომელიც რეაქტიული ვენტილატორებით იქნება აღჭურვილი, ხოლო რეალურ დროში მომუშავე, ასობით კამერით და რადარით აღჭურვილი სამეთვალყურეო სისტემა ავტომობილების მოძრაობას გააკონტროლებს.
Rogfast ს E39 სანაპირო მაგისტრალის ნაწილს წარმოადგენს. იგეგმება რომ 1,100-კილომეტრიანი გზის განახლება, რომელიც ტრონჰეიმიდან კრისტიანსანდამდე მიემართება სრულად 2050 წლისთვის დასრულდება.
