ჩინური ახალი წელი 2017: როდის იწყება

ჩინური ახალი წელი ერთ-ერთი ყველაზე მნიშვნელოვანი აღმოსავლური დღესასწაულია, რომელიც უკვე დიდი ხანია, რაც აღინიშნება არა მარტო აზიურ ქვეყნებში, არამედ მთელ მსოფლიოში.

როგორც ჩვენთვის ახალი წელი, აღმოსავლეთში მცხოვრებთათვისაც ასოცირდება სიახლესთან, განახლებასთან.

ჩინურ ახალ წელს აქვს ცვალებადი თარიღი, რადგან ის მთლიანად დამოკიდებულია მთვარის კალენდარზე. ყოველ წელს ეს დღესასწაული შეიძლება გაიმართოს 21 იანვრიდან 21 თებერვლის ინტერვალში ნებისმიერ დღეს.

ახალი წელი 2017 ჩინური კალენდრის მიხედვით დადგება 28 იანვარს. ჩინური კალენდრის მიხედვით ჩვენ ვხვდებით 4715 წელს, რომელიც არის ცეცხლოვანი მამლის წელი და გაგრძელდება 2018 წლის 15 თებერვლამდე, როდესაც მას ჩაანაცვლებს ყვითელი ძაღლის წელი.

როგორ აღინიშნება ახალი წელი ჩინეთში
ამ დღესასწაულს ჩინელები უწოდებენ \'\'შეხვედრას დაშორების შემდეგ\'\', რადგან ტრადიციის მიხედვით ოჯახის წევრები, სადაც არ უნდა იყვნენ, ბრუნდებიან სახლში და იკრიბებიან სადღესასწაულო მაგიდის გარშემო. ასევე ითვლება, რომ ამ დროს მათთან ერთად არიან გარდაცვლილ ახლობელთა სულები.

დღესასწაულის დროს ადამიანები ერთმანეთს სტუმრობენ, ჩუქნიან საჩუქრებს, და მანდარინს, როგორც სიმდიდრის სიმბოლოს.

პეციალურად: GOGAGGG.tv - ისთვის
ავტორი: თეკლა ლოთიკაშვილი