მთაწმინდაზე მარკირებული ამომრჩევლების მასობრივი მისვლა დაფიქსირდა
მთაწმინდაზე მარკირებული ამომრჩევლების მასობრივი მისვლა დაფიქსირდა, - ამის შესახებ განცხადება ცოტა ხნის წინ ცესკოში გაკეთდა.
მარკირებული ამომრჩევლის მასობრივი მისვლა საარჩევნო უბნებზე დამკვირვებლებმა რამდენიმე ადგილას დაფიქსირეს, განსაკუთრებული აქტიურობა კი მთაწმინდაზე დაფიქსირდა.
თავად ამომრჩევლები ამბობენ, რომ მათ დღეს არჩევნებში მონაწილეობა არ მიუღიათ და მარკირება 8 ოქტომბრის არჩევნებიდან აქვთა დარჩენილი, რასც ცესკოში კატეგორიულად გამორიცხავენ.
"მარკირებული ამომრჩევლების მასობრივი მისვლა დაფიქსირდა მთაწმინდის მაჟორიტარულს საარჩევნო ოლქში. აღნიშნულმა პირებმა განაცხადეს, რომ 8 ოქტომბრის არჩევნების შემდეგ მათ დარჩათ ხელზე მარკირება, რაც პრაქტიკულად გამორიცხულია. მსგავსი თითო ფაქტი დაფიქსირდა ისნისა და ფოთის მაჟორიტარული საარჩევნო ოლქების თითო უბანზე, სადაც ამომრჩევლებს, მას შემდეგ, რაც დაუდგინდათ მარკირება, კანონის შესაბამისად არ მიეცათ ხმის მიცემის შესაძლებლობა," - თქვა მიქელაძემ.
rustavi2.com
