ბარაკ ობამა გადავიდა 5,3 მილიონ დოლარად შეფასებულ სახლში
უკვე გუშინ, ბარაკ ობამამ და მისმა ოჯახმა დატოვეს თეთრი სახლი, სადაც მათ გაატარეს ბოლო რვა წელი. ობამების ოჯახი თავდაპირველად გაემგზავრება პალ-სპრინგში დასასვენებლად, შემდეგ კი ბარაკი, მიშელი და მათი ქალიშვილები საშა და მალია ახალ სახლში გადავლენ საცხოვრებლად.
ბარაკ და მიშელ ობამები ბავშვებთან ერთად იცხოვრებენ Kalorama-ს რაიონში ვაშინგტონში. ოჯახის ახალი სახლის ფართობი 761 კვადრატული მეტრია. სახლს, რომელიც ჯერ კიდევ 1928 წელს აშენდა, აქვს ცხრა საძინებელი, მისაღები, სამზარეულო და სხვა ოთახები. მანამდე სახლი იყიდებოდა 5,3 მილიონ დოლარად, მაგრამ გასული წლის მაისში ის გაყიდვიდან ამოიღეს.
ზუსტად რამდენი ხანი გაჩერდება აშშ-ს ყოფილი პრეზიდენტი ახალ სახლში ცნობილი არ არის, მაგრამ მინიმუმ იქამდე სანამ მისი 15 წლის ქალიშვილი საშა დაასრულებს სკოლას.
სპეციალურად: GOGAGGG.tv - ისთვის
ავტორი: თეკლა ლოთიკაშვილი
