სიტყვიერი დაპირისპირება "რუსთავი 2"-ის საქმეზე პარლამენტში
დღეს იურიდიულ საკითხთა კომიტეტში საკონსტიტუციო სასამართლოს მოსამართლედ წარდგენილ მანანა კობახიძის მოსმენის დროს უმრავლესობისა და უმცირესობის წევრებს შორის რუსთავი 2-ის საკითხზე სიტყვიერი დაპირისპირება მოხდა.
ფრაქცია ევროპული საქართველოს წევრს, სერგო რატიან მანანა კობახიძესთან რუსთავი 2-ის საქმეზე ბევრი შეკითხვა ჰქონდა. მანანა კობახიძემ განაცხადა, რომ რუსთავი 2-ის საქმეს არ იცნობს და მისთვის საქმის მასალები არავის მიუწვდია.
„თქვენ თუ თვლით, რომ მე ვიცნობ რუსთავი 2-ის საქმეს, ეს ნამდვილად არასწორია. საიდან უნდა ვიცნობდე რუსთავი 2-ის საქმეს? სასამართლოში, საერთო სასამართლოში, მე იქ არც მხარე ვარ, არც მოსამართლე ვარ და ნამვილად ჩემთვის არავის არ მოუცია საქმის მასალები,“ - განაცხადა მანანა კობახიძემ.
