თევზაობა ქუთაისის ქუჩებში
თავისუფალი საქართველოს ქუთაისის ორგანიზაციის ხელმძღვანელი გიორგი წულაია ქალაქის მერიას ქუთაისში გზების მოუვლელობაში ადანაშაულებს. მისი თქმით, ქალაქში გზები გადათხრილია, დიდი რაოდენობით არის ორმოები და ავტომობილებს ამის გამო გადაადგილება უჭირთ.
დღეს მან ასათიანის ქუჩაზე ბრიფინგი მოაწყო. მან იქვე პერფომანსიც წარმოადგინა და ანკესით ითევზავა.
ბრალდებებს ქუთაისის მერიის ინფრასტრუქტურის უფროსმა უპასუხა. მისი თქმით, მიმდინარეობს წყლის მილების რეაბილიტაცია და ამინდის გაუმჯობესებისთანავე გზები შეკეთდება.
