ანსამბლ „მამულის“ მოცეკვავეებმა საერთაშორისო ორგანიზაციის წევრებს საქართველო და ცეკვის კულტურა გააცნეს
ბევრი რამ მოხდა ბოლო ერთი კვირის განმავლობაში. ანსამბლ „მამულის“ მოცეკვავეებმა ნიუ იორკში, საერთაშორისო ფესტივალზე, შემდეგ კი ამერიკის დედაქალაქ ვაშინგტონში, საქართველოს საკონსულოში საერთაშორისო ორგანიზაციის წევრებს გააცნეს საქართველო და ქართული ცეკვის კულტურა.
სწორედ ამ დღეს, ფილადელფიის ჯორჯ ვაშინგტონის სახელობის სკოლაში, ამავე სკოლის მოსწავლეებმა - ორმა ქართველმა გოგონამ - საქართველოს კულტურა წარმოაჩინეს და ქართულ ჩოხებში იცეკვეს, თან ქართულ ბობოხები ვაჟკაცურად მოირგეს.
ალბათ, ვერც კი მოასწრეს უცხოელებმა ქართველი ბავშვების მიერ წარდგენილი საქართველოს დაგუგლვა, რომ მეორე დღეს ქართველების ხელითვე გადამწვარი ბათუმის სურათები გაჩნდა ინტერნეტში. ეს იმ საქართველოს ფოტოებია, ქართველმა ბავშვებმა რომ ყველაზე ძლიერ ერად წარმოაჩინეს წინა დღით, ერმა რომელმაც საუკუნეების მანძილზე შეინარჩუნა ენა, მამული, სარწმუნოება!
დღეს ფილადელფიაში მცხოვრები ქართველები ორმგად ვართ ჭირისუფლები: ვგლოვობთ გარდაცვლილ 32 წლის გიგის და გადამწვარ ბათუმს!
რა უცნაურია არა ქართველობა?!
ლელა ვაშაკიძე
ფილადელფია
03.13.2017