თქვენს ადგილას, მე დღეს გადავდგებოდი - ნიკოლოზ სააკაშვილი ზურაბ ჩხაიძეს
საქართველოს ექსპრეზიდენტის, მიხეილ სააკაშვილის მამა, ნიკოლოზ სააკაშვილი „ვივამედის“ კლინიკურ დირექტორს, ზურაბ ჩხაიძეს მიმართავს და აღნიშნავს, რომ მის ადგილას, გადადგებოდა.
„მე ტრანსპარანტით უნდა დავდგე ქუჩაში, ამ სიცივეში, არა შენობაში და მქონდეს დიდი წარწერა, რომ ვარ ეს, ეს, ეს, ვარ 80 წელს მიღწეული, ნუ მომიკლავთ შვილს. ეს არის ხელოვნურად პროცესების შეფერხება, ან მიყვანა ფატალურ მდგომარეობამდე, ან ისე დაინვალიდება, რომ მერე ძალიან ცუდ მდგომარეობაში გააგრძელოს თავის ცხოვრება. ბატონო ზურა, მოდით ყველაფერი გვერდზე გადადეთ, წარმოიდგინეთ, რომ თქვენი შვილია მიშას მდგომარეობაში, მე რომ ვყოფილიყავი თქვენს ადგილას, მე დღეს გადავდგებოდი,“ – თქვა ნიკოლოზ სააკაშვილმა.
