საუბარია დიდძალ ქონებაზე, რომელსაც ბებია შვილიშვილს მემკვიდრეობით არ უტოვებდა - შემზარავი საქმის ახალი დეტალები
თბილისში, შვილიშვილის მიერ მატერიალური მიზნების გამო ბებიის მკვლელობის მცდელობის სამქზე ახალი დეტალები ხდება ცნობილი. AMBEBI.GE-ს ინფორმაციით, ბებია შვილიშვილს, შსს-ს ყოფილ თანამშრომელს, ალექსანდრე საყვარელიძეს მემკვიდრეობით ქონებას არ უტოვებდა.
გამოცემის ცნობითვე, შვილიშვილის მიერ დაქირავებული მკვლელი სამიზნე ობიექტს ვაკეში, "აქსისის" მიმდებარე ტერიტორიაზე უთვალთვალებდა (საცხოვრებელ ადგილას).
როგორც წყარო ყვება, საუბარია დიდძალ ქონებაზე, რომელსაც ბებია შვილიშვილს მემკვიდრეობით არ უტოვებდა, მან კი ამ გზით სცადა მისი ხელში ჩაგდება. როგორც წყარო გვეუბნება, ბეწვზე გადარჩენილი თბილისის ერთ-ერთი უნივერსიტეტის რექტორი და პროფესორი ვალენტინა საყვარელიძეა.
გამოძიების ინფორმაციით, ბებიის მკვლელობისთვის 25 წლის შვილიშვილი 150 ათასი დოლარის გადახდას გეგმავდა.
შეკვეთით განზრახ მკვლელობის მომზადების ბრალდებით 25 წლის ახალგაზრდა უკვე დაკავებულია და მას წინასწარი პატიმრობა აქვს შეფარდებული.
