"ძალადობის გამპრავებლებს და ბელადების მონებს არასოდეს არაფერი ეშველებათ!... ამიტომაც შეუძლიათ "შავი ტილო " უწოდონ სამგლოვიარო დროშას" - ლელა გაფრინდაშვილი
უფლებადამცველი, ლელა გაფრინდაშვილი პროფესორ, ნოდარ ლადარიას პოსტს ეხმაურება, რომელიც 9 აპრილის სიმბოლო ქალს, ნანა მახარაძეს და დროშას ეხება.
"ნოდარ ლადარიას დაუწერია: პრეზიდენტის მიერ დაჯილდიებულ ნანა მახარაძეს ფოტოზე საქართველოს დროშა კი არა , არამედ შავი ტილო უჭირავსო. გაქანებულ მანქანაში კი არ ზის, არამედ - გაჩერებულშიო.
იური მეჩითოვის 1989 წლის 9 აპრილს გადაღებული ფოტოს გენიალობა იმაშია სწორედ, რომ ნანას სამგლოვიარო დროშა მოქალაქეთა უმრავლესობამ საქართველოს დემოკრატიული რესპუბლიკის დროშად აღიქვა.
ნანა მახარაძე თავის ინტერვიუებში საუბრობს ამაზე და რაც მთავარია - საუბრობს მის განცდებზე, 9 აპრილის მნიშვნელობაზე საქართველოს ისტორიაში.
ძალადობის გამპრავებლებს და ბელადების მონებს არასოდეს არაფერი ეშველებათ! მათ არ აქვთ ადამიანური ყოფიერებისთვის საჭირო ფუნდამენტური უნარი - მეორე ადამიანის დანახვა, მოსმენა და განცდა! ამიტომაც შეუძლიათ "შავი ტილო " უწოდონ სამგლოვიარო დროშა.
სირცხვილია და სამარცხვინოა!", - წერს გაფრინდაშვილი.
