"ბაგებიდან ქავთარაძის ქუჩასთან დაკავშირება ფაქტობრივად 1 წუთში იქნება შესაძლებელი“ – თბილისში ახალი საავტომობილო გვირაბი გაიხსნა
თბილისში ახალი საავტომობილო გვირაბი გაიხსნა. საუბარია, უნივერსიტეტისა და ქავთარაძის ქუჩების დამაკავშირებელი გვირაბზე.
დედაქალაქის მერის კახა კალაძის განცხადებით, გვირაბი ვაკე-საბურთალოს აკავშირებს ერთმანეთთან და დღეიდან გადაადგილება იქ უკვე პრობლემების გარეშე იქნება შესაძლებელი.
როგორც თბილისის მერის მოადგილემ ირაკლი ბენდელიანმა გახსნის ღონისძიებაზე განაცხადა, ამ გვირაბის მეშვეობით ბაგებიდან ქავთარაძის ქუჩასთან დაკავშირება ფაქვტობრივად 1 წუთში იქნება შესაძლებელი.
შეგახსენებთ, რომ გვირაბის მშენებლობა გასული წლის ზაფხულში დაიწყო. გვირაბი უნივერსიტეტის ე.წ. მაღლივი კორპუსის მიმდებარე ტერიტორიიდან იწყება და მიხეილ შავიშვილის ქუჩას უერთდება, რომელიც პეტრე ქავთარაძის ქუჩასთან არის დაკავშირებული.
