"შენობა-ნაგებობების ესთეტიკური მახასიათებლების დადგენის წესებისა და პირობების შესახებ“ მთავრობის დადგენილება ამოქმედდა
"შენობა-ნაგებობების ესთეტიკური მახასიათებლების დადგენის წესებისა და პირობების შესახებ“ მთავრობის დადგენილება ამოქმედდა. 1-ლი ივლისიდან სანებართვოდ წარდგენილი არქიტექტურული პროექტი უნდა მოიცავდეს სრულყოფილ ვიზუალურ მასალას შენობის არქიტექტურული დეტალების - სახურავების, ფასადების, ღობეების, სამშენებლო მასალებისა და ფერების შესახებ.
დადგენილება, ირაკლი კობახიძის ინიციატივით, 2025 წლის დეკემბერში გამოიცა, აქამდე კი სარეკომენდაციო ხასიათს ატარებდა. წესის მოთხოვნების შესრულება სავალდებულოა საქართველოს მთელ ტერიტორიაზე თბილისის მუნიციპალიტეტის გარდა, წესი ასევე არ ეხება კულტურული მემკვიდრეობის დამცავ ზონებსა და საკულტო ნაგებობებს. პროექტის მიზანი არის, დასახლებების ბუნებრივ გარემოსთან ჰარმონიულად განვითარება.
