პრემიერი დაკარგული სამხედროების ოჯახებს სამძიმარს უცხადებს
პრემიერმინისტრ გიორგი კვირიკაშვილის განცხადებით, ზღვაში დაკარგული სამხედროების ძებნა აუცილებლად გაგრძელდება. პრემიერის თქმით, საქართველომ ძებნის ოპერაციაში დახმარებისთვის პარტნიორებს კიდევ ერთხელ მიმართა.
"ჩემთვის ცნობილია, რომ ისინი დასისხლიანებულები ამოვიდნენ, ცდილობდნენ შველას, მაგრამ ვერ უშველეს. ყურის აპკები ჰქონდათ დახეთქილი ამ სამხედროებს. საზარელი ტრაგედიაა, რა თქმა უნდა, გამოძიებული უნდა იქნას. ასეა, ჩვენ რა ვქნათ, განვითარების იმ საფეხურზე ვართ, სადაც ბევრი რამე არის ქვეყანაში მოსაწესრიგებელი, მათ შორის ნორმატიული ბაზა სამხედროების წვრთნების კუთხით. მე კიდევ ერთხელ ვუსამძიმრებ დაღუპულების ოჯახებს, მაქსიმალურს გავაკეთებთ, რომ ვიპოვოთ სამხედროები,"- აცხადებს პრემიერი გიორგი კვირიკაშვილი.
