ჩვენი მიზანი ყოველთვის ერთია - მობინადრემ იგრძნოს მხარდაჭერა და კომფორტი

მობინადრეებთან ურთიერთობის პოზიცია ერთ-ერთი ყველაზე საპასუხისმგებლოა იმ კომპანიის ფარგლებში, რომელიც საცხოვრებელ კომპლექსებს აშენებს და საცხოვრებელ სივრცეებს ქმნის. აქ წარმატება არ იზომება მხოლოდ გაყიდული ბინებით - რეალური შედეგი ის არის, როცა მობინადრე თავს მშვიდად, დაცულად და მხარდაჭერილად გრძნობს საკუთარ სახლში. ამ პროცესში კი გადამწყვეტი როლი აკისრია მობინადრეებთან ურთიერთობის დეპარტამენტს.

დღეს ვესაუბრებით მარიამ მეცხოვრიშვილს - ადამიანს, ვინც ყოველდღიურად ემსახურება 4000-მდე მობინადრეს, როგორც მიმდინარე, ისე უკვე დასრულებულ პროექტებში.

რა არის თქვენი დეპარტამენტის ძირითადი მიზანი და ფუნქცია?

- ჩვენი დეპარტამენტის ძირითადი ფუნქციაა მობინადრეებთან კომუნიკაცია როგორც პრობლემურ, ასევე არაპრობლემურ საკითხებზე. უძრავი ქონების შეძენის შემდეგ ვაგრძელებთ აქტიურ და მჭიდრო კომუნიკაციას მობინადრეებთან მშენებლობის დროს სხვადასხვა ეტაპზე, რათა მათ შეძლონ სახლიდან გაუსვლელად, სწრაფად და მარტივად მოაგვარონ ისეთი საკითხები, როგორებიცაა გადახდები, რეგისტრაციასთან დაკავშირებული პროცედურები და სხვა ტექნიკური დეტალები. ჩვენი მთავარი მიზანია, რომ ყოველი კომუნიკაცია დასრულდეს მშვიდ და დადებით გარემოში და მაქსიმალურად მოკლე დროში მოვახერხოთ დახმარება ისე, რომ მობინადრემ იგრძნოს მხარდაჭერა და კომფორტი.

რომელი ტიპის პრობლემები გვხვდება ყველაზე ხშირად?

- ძალიან განსხვავებული ტიპის პრობლემები გვხვდება, მაგრამ ყველაზე ხშირია გადახდებთან დაკავშირებული საკითხები. ხშირად გვაკითხავენ მობინადრეები, როცა დროებით ვერ იხდიან დავალიანებას. ასეთ შემთხვევებში ერთად ვთანხმდებით თანხის გადანაწილებაზე. მაგალითად, თუ მომხმარებელი კარგავს სამსახურს და რამდენიმე თვე ვერ შემოაქვს თანხა, წინასწარ ვადგენთ კონკრეტულ ვადებს და პირობებს, თუ როგორ გაანაწილებს დაგროვებულ თანხას. ასევე ხშრია ხოლმე მომართვიანობა პროექტის დასრულების შემდეგ ბანკთან გადასვლის საკითხზე, იშვიათად, მაგრამ მაინც როცა ბანკი არ უმტკიცებს მობინადრეს სესხსს, ასეთ დროს მაქსიმალურად ვცდილობთ ინდივიდუალურად გავაანალიზოთ სიტუაცია და შევთავაზოთ დახმარების გზები.

როგორ აისახება თქვენი დეპარტამენტის მუშაობა კომპანიის მთლიან რეპუტაციაზე?

- ჩვენ ერთ-ერთი ყველაზე მნიშვნელოვანი როლი გვაკისრია. როდესაც ადამიანი უკმაყოფილოა ან გაღიზიანებულია, სწორედ ჩვენთან აქვს პირველადი კომუნიკაცია. ამიტომაც ჩვენი დეპარტამენტი ყოველთვის ცდილობს, რომ თითოეული საუბარი იყოს ემპათიური, ლოიალური და მორგებული მობინადრის ინტერესებზე. კომუნიკაციის ხარისხი პირდაპირ აისახება კომპანიის იმიჯზე, რეპუტაციაზე და საბოლოოდ - მომხმარებლის ლოიალობაზე.

როგორია ემოციურად იმ ადამიანთან ურთიერთობა, ვინც შეიძლება უკმაყოფილო იყოს შენით?

- ჩემი აზრით, კიდევ ერთხელ კომუნიკაცია იმ ადამიანთან ვინც შენით ან შენგან გაწეული დახმარებით უკმაყოფილოა არის დამატებითი შანსი რომ გამოასწორო ის რითაც აქამდე იყო უკმაყოფილო მეტად მოუსმინო, ჩაეძიო დაუსვა კითხვები გაითავსო მისი პრობლემა და შეეცადო დახმარებას, ეს არამარტო იმისთვის არის კარგი, რომ გამოასწორო მასთან ურთიერთობა არამედ, შენი თავის განვითარებისთვის და ახალი ურთიერთობის სწავლის კარგი ვარიანტია.

როგორია თქვენი ხედვა – როგორი უნდა იყოს თანამედროვე საცხოვრებელი კომპლექსის და მობინადრის ურთიერთობა?

- ჩემი აზრით, თანამედროვე საცხოვრებელ კომპლექსსა და მობინადრეს შორის ურთიერთობა უნდა იყოს თანაბრად მნიშვნელოვანი და ურთიერთპასუხისმგებლობაზე დაფუძნებული. კომპლექსმა მობინადრეს უნდა შესთავაზოს არა მხოლოდ კომფორტი და უსაფრთხო გარემო, არამედ ისეთი საზიარო სივრცეები, რომლებიც ხელს შეუწყობს ბუნებრივ, თავისუფალ არჩევანზე დაფუძნებული სოციალური კავშირების ჩამოყალიბებას, ხოლო მობინადრემ კი უნდა გაითავისოს რომ ის მხოლოდ ბინის მეპატრონე არ არის ის ამ საცხოვრებელი კომპლექსის წევრია და მასაც აქვს თავის წილი ვალდებულება საერთო სივრცეების მოვლასა და გალამაზებაში.