დაუსრულებელი, უხარისხო მშენებლობები და რემონტები, როდის დგება სისხლის სამართლის პასუხისმგებლობა? - იურისტის განმარტება (ვიდეო)

დაუსრულებელი და უხარისხო მშენებლობები და რემონტები. როდის შეგვიძლია მიუღებელი შემოსავლის მოთხოვნა და როდის დგება სისხლის სამართლის პასუხისმგებლობა? - აღნიშნულ საკითხზე გადაცემაში „დილა მშვიდობისა საქართველო“ სამართლის ასოცირებულმა პროფესორმა თამარ კერძაიამ ისაუბრა:

"ვერ აშენებული ბინები და კორპუსები კვლავ უმწვავეს პრობლემად რჩება სამშენებლო ბიზნესში. სამწუხაროდ ეს ეხება როგორც ახალ კომპანიებს, რომელთა სახელიც კი ჩვენთვის უცნობია, ასევე ისეთ კომპანიებს, რომლებიც ჩვენთვის თითქოს სანდოა.

არ დავასახელებ სამშენებლო კომპანიას, რადგან ძალიან ცნობილია, ოთხი წელი გავიდა უკვე, რაც ვერ ჩააბარეს ბინა, როცა უნდა ჩაბარებულიყო 2020 წელს. ამ დროს მომხმარებელს აქვს მოითხოვოს ბინის ჩაბარება და ასევე ზიანის ანაზღაურება. მაგალითად შესაძლოა ადამიანს იმ წუთიდან როცა ბინა უნდა ჩაჰბარებოდა უნდა გაექირავებინა. მთელი ამ პერიოდის განმავლობაში უნდა იზრუნოს დოკუმენტაციასა და საჭირო მასალებზე მყიდველმა, რადგან ზიანი აუნაზღაურდეს“, - გვირჩევს თამარ კერძაია.