5 მიზეზი რატომ უნდა შეიძინოთ ჭურჭლის სარეცხი მანქანა

თქვენ ისვენებთ — ის მუშაობს

პირველი მიზეზი, რის გამოც ადამიანები ჭურჭლის სარეცხ მანქანას ყიდულობენ, დროისა და ძალის დაზოგვაა, თუმცა, რაღაცის გაკეთება თქვენც მოგიწევთ - მანქანაში მოთავსებამდე თეფშები საკვების ნარჩენებისგან უნდა გაასუფთაოთ. მანქანის ჩართვის შემდეგ კი თქვენ  შეგიძლიათ დაისვენოთ ან სხვა საქმეებით დაკავდეთ.

კრისტალურად სუფთა ჭურჭელი

ჭურჭლის სარეცხი მანქანის მთავარი უპირატესობა ხარისხიანი რეცხვაა, განსაკუთრებით მაშინ, როდესაც საქმე საჭმლის ნარჩენებით ან ცხიმით დასვრილ ჭურჭელს ეხება, რომლის ხელით რეცხვაც საკმაოდ რთული და შრომატევადია.

როცა ჭიქები სისუფთავისგან ბზინავენ, როცა თეფშები ორივე მხრიდან იდეალურად სუფთაა და ქვაბები და ტაფები ახლებს გვანან, სამზარეულოში ყოველთვის წესრიგი იქნება!

ჭურჭლის ხელით რეცხვის დროს წყლის ტემპერატურა დაახლოებით, 40°C-ია, ჭურჭლის სარეცხი მანქანა კი ჭურჭელს 90°C-მდე ტემპერატურაზე რეცხავს, რაც ფაქტობრივად სტერილიზაციას ნიშნავს. ეს კი განსაკუთრებით ხელსაყრელია ოჯახებისთვის, რომლებსაც პატარები ჰყავთ.

თითქმის არ ხარჯავს ელექტროენერგიას

ჭურჭლის სარეცხი მანქანა ელექტროენერგიას მოითხოვს, თუმცა გაცილებით ნაკლებს, ვიდრე გგონიათ.

9-12 პერსონიანი მანქანის ერთი რეცხვის ციკლს საშუალოდ 0.8-0.95 კილოვატსაათი სჭირდება, თუმცა მაჩვენებელი დამოკიდებულია რეცხვის რეჟიმზე და მანქანის ზომაზე. მაგალითად, 50°C ტემპერატურაზე რეცხვისას ენერგიის მოხმარება დაახლოებით 0.8 კილოვატსაათს შეადგენს, რაც ელექტრო ჩაიდნის მოხმარებაზე ნაკლებია.

თუ ეკონომიურ მოდელს ეძებთ, ყურადღება მიაქციეთ ენერგოეფექტურობის კლასს:

• A — 0.7-1.07 კვტ

• B — 1.08-1.1 კვტ

• C — 1.5 კვტ-მდე

• D და E — 2 კვტ-მდე

ყველაზე ეკონომიურია A+, A++ და A+++ კლასის მოდელები, რომლებიც 0.7 კვტ-ზე ნაკლებს მოიხმარენ. ამგვარად, თქვენ შეგიძლიათ კომფორტსა და დანახარჯებს შორის ბალანსი იპოვოთ.

ზოგავს წყალს

წყლის მოხმარება ჩვენი ყოველთვიური ხარჯების ნაწილია. ხელით რეცხვის დროს 10 პერსონისთვის საჭირო ჭურჭლის გასარეცხად სულ მცირე, 30 ლიტრი წყალი გვჭირდება.

სტანდარტული ზომის ჭურჭლის სარეცხი მანქანა იგივე რაოდენობის ჭურჭელს საშუალოდ, 10-13 ლიტრი წყლით რეცხავს. როგორც ხედავთ, სხვაობა თითქმის სამმაგია!

მიუხედავად იმისა, რომ ჭურჭლის რეცხვის პროცესი რამდენიმე ეტაპისგან შედგება,  ბევრ მოდელს წყლის აღება მხოლოდ ერთხელ ჭირდება. მუშაობის პროცესში მანქანა წყალს რამდენჯერმე ფილტრავს და ხელახლა გამოიყენებს, საბოლოო გავლებისთვის კი ახალ, სუფთა წყალს იყენებს.

სარეცხ საშუალებებზე ალერგიისგან დაცული ხართ

სარეცხი საშუალებების ხარჯის თვალსაზრისით, ხელით რეცხვა უფრო იაფი ჩანს, მაგრამ აქ ერთი მნიშვნელოვანი პრობლემაა - 

ხშირად, ხელით რეცხვის დროს, ტოქსიკური სარეცხი საშუალებების ნაწილი ჭურჭლის ზედაპირზე რჩება. ეკოლოგიურად სუფთა სარეცხი საშუალებები კი საკმაოდ ძვირია. 

მანქანას ჭურჭლის გასარეცხად სჭირდება:

ფხვნილი ან ტაბლეტები (ფხვნილი ყველაზე ხელმისაწვდომი და პოპულარულია); რეცხვის ერთ ციკლს საშუალოდ, 30 გრ ფხვნილი სჭირდება.

ხარისხიანი რეცხვისთვის საჭიროა დარბილებული წყალი. წინააღმდეგ შემთხვევაში, დროთა განმავლობაში ჭურჭელზეც და მანქანის შიგნითაც თეთრი ნადები გაჩნდება. ამის გამო, ჭურჭლის სარეცხ მანქანაში დროდადრო, სპეციალური მარილი უნდა ჩავყაროთ რომელიც წყალს დაარბილებს. მაგრამ ეს ყველაფერი არაა. სარეცხი საშუალება რომ მთლიანად ჩამოვრეცხოთ და ჭურჭელს მბზინვარება მივანიჭოთ, მწარმოებლების უმეტესობა სპეციალური სავლების გამოყენებას გვირჩევს. 

რა თქმა უნდა, ხელით რეცხვას ნაკლები სარეცხი საშუალება სჭირდება, რაც გაცილებით იაფი ჯდება, მაგრამ შედეგი ყოველთვის სრულყოფილი არაა, მაშინ როცა ჭურჭლის სარეცხი მანქანა იდეალურად სუფთა და მბზინვარე ჭურჭელს უზრუნველყოფს. ეს კი განსაკუთრებით მნიშვნელოვანი უპირატესობაა.